آپ کو جو کچھ میسر ہے اس میں خوش رہنا سیکھیں Khush rehna sekhain

آپ کو  جو کچھ میسر ہے اس میں خوش رہنا سیکھیں Khush rehna sekhain

آپ کو  جو کچھ میسر ہے اس میں خوش رہنا سیکھیں Khush rehna sekhain

ایک  بادشاہ اپنے  وزیر اور  سپاہیوں کے ساتھ   ملک  کی سیر  کیلئے  نکلا  ، بادشاہ  یہ  دیکھنا  چاہتا تھا کہ  اس  کی سلطنت کے لوگ اس سے  کتنا خوش ہیں،  کیا  انہیں انصاف  بھی مل رہا ہے  یا نہیں،    راستے  میں   بادشاہ کی  نظر  ایک  درویش  پر پڑی جو ایک  چٹائی پر  بیٹھا تھا  ،  اس کے  پاس   ایک  پیالے  اور چٹائی  کے علاوہ  کچھ  نہ تھا، پیالے میں  بُھنے  ہوئے  چنے پڑے تھے،  درویش    مسکرا رہا تھا،

درویش  کے  چہرے  پر کسی  قسم  کی  کوئی   پریشانی    اور دُکھ  نہ تھا،  بادشاہ   یہ دیکھ کر  حیران  رہ  گیا،   بادشاہ کا قافلہ  آگے  بڑھ  گیا،  واپسی  پر   بادشاہ    کی ملاقات   پھر سے  درویش   کے ساتھ  ہوئی  ، درویش  پہلے  کی  طرح  اطمینان سے   بیٹھا  تھا، چہرے  پر  مسکراہٹ  تھی ،  بادشاہ  اپنی سواری  سے  اُتر  کر درویش کے  پاس گیا،  بادشاہ  نے  درویش کو اپنا  تعارف کروایا کہ  میں اس  سلطنت  کا  بادشاہ ہوں،   میں  نے  تمہیں   دو دفعہ  دیکھا  ہے    تم    خوش   تھے، تمہارے  چہرے  پر کسی قسم  کی پریشانی  یا مایوسی   نہیں  ،  میں  سلطنت  کا بادشاہ ہونے کے  باوجود   تمہاری  طرح خوش اور مطمئن نہیں ہوں،

آخر  تمہاری  اس  خوشی  اور اطمینان    سے  رہنے  کی وجہ کیا ہے ؟  کیا  تم  دولت مند ہو؟  درویش نے  انکار میں  سر ہلا  دیا،  بادشاہ  نے  پھر سے  پوچھا  ، تو کیا  تمہارے  گھر  والے  تم  سے پیار کرتے  ہیں؟ درویش نے   کہا  میں اکیلا ہوں میرے  آگے پیچھے کوئی  بھی نہیں  ،  میرے  پاس  اس چٹائی ، پیالے   اور ان بُھنے ہوئے  چنو ں کے سوا  کچھ  بھی  نہیں ،   بادشاہ    اور اس  کے ساتھ  موجود  سپاہی   یہ  باتیں  سن کر حیران  ہوئے ،

مزید پڑھیں:صرف جان لینا ضروری  نہیں  عمل کرنا  بھی  سیکھیں

بادشاہ  نےپوچھا تو  کیا تم  صحت مند اور تندرست  انسان  ہو،  درویش  نے  کہا  میں   صحت مند بھی  نہیں  ہوں ، اکثر بیمار رہتا ہوں، سردیوں  میں   میرے  پاس  بستر  بھی  نہیں  ہوتا،  سردی  برداشت  کرنا مشکل ہو  جاتا ہے،   اُکتا کر  بادشاہ  نے پوچھا  تو  پھر  تمہاری  اس خوشی  کا راز کیا ہے ؟

درویش نے  کہا   مجھے اللہ  کی ذا ت  پر  یقین ہے  ، اس پر  توکل  ہے،  اللہ   کی مرضی  اس نے  مجھے  ایسے  حالات   اور مشکل  میں   رکھا  ہے   ، یہ اس کا فیصلہ ہے ،   وہ جانتا  ہے   کہ میر ے اندر کیا کمی کوتاہی ہے ، جو مجھے  دور کرنے کی ضرورت ہے ،  اللہ  جب انسان   پر مشکلات   یا  پریشانیاں  لاتا  ہے تو  یوں  سمجھ لیں کہ وہ  تمہیں آگ میں ڈال  کر سونا  بنانا چاہتا ہے، ہم انسان ہیں کہ  گھبرا  جاتے ہیں، صبر اور اللہ  کی ذات  کا  شکر  ادا  نہیں کرتے ،

اگر آپ  بھی  خوش رہنا  چاہتے ہیں  تو اللہ کی رضا میں  خوش رہنا  سیکھیں،  آپ  کو جو کچھ میسر  ہے  اس پر اللہ  کا شکر ادا کریں ، رزق اللہ کی  ذات نے  دینا ہے ، اگر پانی  بھی  پئیں  تو اللہ  کی ذات کا شکر  ادا کریں ، کہ یااللہ  تیرا شکر ہے  جو تو نے مجھے پانی پلایا، جس نے خوش رہنا ہے  وہ  ایک  چٹائی   ایک پیالے  اور اس میں موجود   چند بُھنے ہوئے  چنوں کے ساتھ   بھی خوش رہ سکتا ہے ۔